平安夜當日....

去左好多地方.....去左隔離個island....又去左鹿頸村....又去左睇lego 聖誕樹....又去左一個煩惱地方.....

公司聖誕party...

除左收左野食返黎食同抽獎之外....就係打桌球大賽....我記得我小學打過之外都無打過.....所以我老細特別係早幾日就開左張枱係公司個倉比我地練習下.....我玩左一個lunch 之後就無得練...因為其他人無玩過比佢地練下先....到正式比賽0個日我被抽中同老細一組....心諗....yeah....win 硬.....結果我地0個組贏左.....得到....燕窩兩樽....同埋抽到護膚膏....

拍賣會...

某個星期六跟人地(佢都係受人所托)去左拍賣會....哈哈....0個到都幾得意同刺激....佢0個度主要係拍賣中國野....如...字畫....劃水墨畫既用品呀....紫沙茶壺....茶呀...所以好多老人家去....但係佢地都幾肯駛錢....

不知...

從那裡聽見....人越想著不開心的事....不開心的事便會跟著他/她.....人想著開心的事...開心的事亦會跟著他/她.....

如何....

治療有情緒病的人??

過路...

呢幾個星期經過好多以前去過或住過既地方....發覺呢個世界變得好快....好似深水埗既統一大藥房咁....以前日日都會經過0個度....而家巳經拆左.....石硤尾七層公屋.....以前都會去0個邊玩....仲係0個個山邊走來走去...仲記得0個度有舊石好似青蛙的....都無左.....紅磡....以前係0個度返過工....有d 地方都唔同左....

忙著...

為身邊的人忙著....

試新野....

尋日上左大陸廠....由於要去睇機器既關係所以去左龍崗先返廠.....其實我都唔知點解佢地買機器會叫埋我去睇...但係我覺得都幾好....可以學多d 野....有時諗佢地記唔記得請我返黎係做product design....因為佢地做fair d 野又係我攪...即係加幾多燈...要唔要加層板.... 填form.....display...poster...pops....出e-mail 問大陸野(係問graphic野)....表野....都係我...其實咁樣都好既....唔駛做死一様.....

哈哈...講返試新野先.....去左龍崗食lunch....0個間野叫做面點王....即係0個度擺晒d 野出黎你想食乜就點乜....好似香港食車仔面咁.....不過佢仲有d 小食....就係post 左出黎0個碟野....但係唔記得叫咩名....不過食落好滑同埋辣辣地....都幾好食....不過呢間野個地板同麥當奴0個個係一樣...唔知佢地咩原因要同人地一樣....而係呢間野既隔幾間鋪就係麥當奴....我見到佢地既開心樂園餐係送褔娃(即係08 奧運0個幾隻野)跟住我就影左相同換左一隻....

黑拳...

好睇....故事都寫得幾好....有d 對白都幾有意思...個結尾都ok.....打又打得好睇.....又有得笑.....係尾段爭左小小...同埋d 女主角都係爭左小小....整體黎講我覺得好睇既.....哈哈哈哈哈.....聽日睇乜戲好呢......

無間道風雲

唔好睇.....d野好散....d 人又唔靚.....無野寫喇....唉....

温習...

星期日我教我姨甥仔溫中文默書既範圍.....我比左幾個鐘既時間佢温....結果叫佢默都係唔識....我唯有用ivan 講過既記英文字方法教佢記字.....跟住佢先叫做有返d 興趣温習...不過張一個中文字諗個故仔記都幾難諗.....到諗好晒教佢點記之後默書好左d 好多字都記得.....不過到真係默0個時就唔知佢記唔記得喇....以上幅相就係叫佢自己記住d 字0個時影既.....

中秋節....

只係出去行下....同埋係屋企附近行下....點知有兩隻流浪狗沖埋黎....向住我地勁叫....阿ken 一手推開我...一手就搵樽水對住隻狗.....好彩隻狗無咬佢咋....如果唔係都唔知點算.....因為隻狗同阿ken 距離都無一尺.....佢推開我之後我見佢地相距咁近所以我就拖住阿ken 行開....好彩佢地無跟黎...但係我隻腳就瘀左....因為阿ken推開我0個時撞到鐵欄...本來好地地既一個中秋就變成咁....

破紀錄...

我由星期六放工返到屋企執屋執到星期一都未執完.....最重要就係我無去過街....整整兩日半都係屋企....除左食飯出過去之外.....我係唔可以成日係屋企既人...估唔到今次假期竟然無出街....哈哈哈...

執屋...

變左執返d 回憶.....今日搵到當年係學校打鼓0個d 譜.....而家睇返都唔記得點打.....仲有搵到好多以前同學畫比我d 公仔....係0個d 公仔後面仲有d 無聊字....即係上堂0個時講唔到野...只係寫落d 紙到0個d....哈哈哈....睇返真係好搞笑....

p.s. 現附上當年一段打鼓譜....如果有人識睇教我點睇....等我去買枝鼓棍返屋企玩下.....哈哈....

隨街影一

今晚晚餐....

整左個豉油煎蝦....哈哈哈...今日第一次整.....屋企人食過都話好味....哈哈哈哈哈....

P.S. 整完d 蝦隻手好嗅....有無人知有咩方法另到隻手無腥味....

又一城...Little Brooklyn Fashion Exhivition

World Tour 2006....呢個展覽會幾得意....因為佢係一隻叫做Little Brooklyn 既狗....去到唔同國家...就由0個到既人用唔同既布料及做法做....做返同0個隻狗既外型一樣.....跟住佢地就會揀有特色既就作為世界巡迴展覽.....大家經過又一城可以去睇睇.....post 出黎0個幾隻我係覺得幾得意既....不過有d 相係我姨甥仔影既....所以有d會歪左....大家唔好見怪....

p.s. 第五張即係隻狗踏住隻豹0個張...我表姨甥仔話係曳0個隻....佢話佢踏住隻豹唔岩喎...我聽到都覺得好搞笑....

煩....

姨甥女發燒入左醫院幾日都未退燒....搞到佢阿爸同阿媽唔返工24 小時係醫院睇住佢....但係公司又唔可以成日請假....結果又要返工....又要去醫院.....我姨甥仔又無人理......又無飯食....又無人睇佢功課....結果...病左幾日既我就要去照顧佢.....我一放工就去佢屋企....同佢食飯....對功課....帶佢去買文具....好彩我去左睇佢...如果唔係佢都唔知點算...佢讀緊三年級...放左學自己返屋企...做埋功課...沖埋涼...等我同佢去食飯....都算乖....不過懶唔温習....所以默書唔合格....平時又無人迫佢温習....唉....我而家只可以幫得幾多得幾多.....仲有...公司又要開始做fair 既野.....煩到死.....又要做新product....又要諗display....又要同fair d 人傾個booth....因為個booth 好似有d 問題....煩死呀....

腳板．．．

星期日去左奧海城睇古代哺乳類動物展....相中便是我跟它們其中一個腳板的合照....

尋日排隊．．．

搭小巴....突然隔離隊有人打交(兩個男人打一個男人).....當時我0係同媽咪講緊電話....我驚佢擔心我所以無同佢講...我唯有行開d....我見到佢地打０個時真係打得好"恨"....當我講完電話佢地仲打緊....之後有個女仔拉開左0個兩個男人....就同被打0個個人講話無打尖....佢地係一家人....原來係個阿爸比人話打尖....跟住就打人....打打下個仔就幫手打埋一份...當個女仔拉開佢地之後有個西裝人就問比人打０個個駛唔駛報警....因為佢巳經同999 d 人講緊同埋比打0個個流緊血...跟住個男人話唔駛...另外個兩個男人仲係到用粗口鬧佢...之後個男人就走左...我覺得打尖呢d小事唔駛打人...

不知因何故...

做什麼總是提不起勁....希望要發生的事早些發生....如不會發生就以後都不要發生....

我公司....

有3個graphic designer..... 1個product designer.....過埋聽日....就得返一個graphic...同一個product designer....我諗我呢個product designer 都要諗下將來既去向....因為今日傾返...原來呢間公司有好多野都好特別....

龍虎門...

今日得了免費飛去睇龍虎門...因我從來無睇過龍虎門既漫畫所以無乜共鳴感....不過片頭就有d 熟口熟面既感覺...但係到戲既故事開始就無呢種感覺.....至於套戲我就覺得有d 鏡拍得幾靚....同埋幾有感覺....仲有打既部份打得好靚....好干淨利落又sharp....特技都做得幾好....而且有d 可以笑既位(有d 係真笑位...有d 係覺得咁都得既笑既位)......但係個故事就麻麻....同埋女主角唔靚....仲有一路睇一路覺得好似去返以前d 戲院睇戲咁....因為0個度係一個舊式戲院....所以好大....同埋有d 人一路睇戲一路食野.....又有d 人行黎行去....仲有人大聲講野.....仲有仲有最似既就係........有人食煙.....由於0個間戲院位於砵蘭街所以無人敢出聲收佢地唔好食煙.....所以我地都係靜靜地睇完套戲就走.....

整體黎講呢套戲都ok好睇....不過0個故事就好似同佢本身既漫畫故事唔同.....如果大家無野做都可以去睇睇....

食蜜蜂...

今日上左大陸....阿老細一時慶起話去食蜜蜂.....咁我同其他同事一齊去試下....0個碟野一黎到阿新同事就即刻試下....我問佢得唔得...佢話無乜特別....跟住佢就係咁講...如果妳唔睇佢隻眼就無乜野...又話d 腳乜乜乜....佢講到我唔係好敢食....但係其他人食到津津樂道咁....咁我咪試下....我同事就夾左幾隻比我....咁我就揀左隻無眼既0黎食....食落去無乜野...但係見到0個對眼就真係唔想夾落個口到....但係仲有幾隻係個所謂碗到(所謂碗睇下幅圖就知)...咁我就搵d 飯遮住個頭黎食....結果我食晒0個d 就無再夾.....但係0個三個男人....就食得好開心....

愛莫能助....

真辛苦....唉...都唔知點幫佢....如果自己可以搵多d 錢佢唔駛咁辛苦....如果d人生性佢又唔駛咁辛苦....如果....如果....如果....

《漫無邊界》

星期日去左睇《漫無邊界》本地漫畫展.....係等"車立"0個時見到馬榮成...佢地出"車立"我地入"車立"...但係由於我無諗過見到佢地所以望唔到佢....只係望住佢太太...心諗佢0個樣都幾靚喎....而家都keep 得幾好....咁以前咪仲靚.....點知原來佢係馬榮成太太...唔怪得之啦...搭"車立"上到就見到六幾年到而家既香港漫畫發展....其中係有好多為人所熟悉既漫畫....好似老夫子.....牛仔....十三點....等等....仲有講解一本漫畫既誕生過程....同埋有d 漫畫家既首稿....都幾得意....得閒可以睇睇....但係展覽館唔係好大.....

朱銘雕塑展

星期六想去買DVD 返屋企睇....途中經過Time square 睇左朱銘雕塑展....睇完之後覺得佢d雕塑外形好簡單就整左個形出黎....幾得意...d 顏色又搶眼.... 以上既相係我個影同佢d 雕塑既影既相....及佢其它既雕塑影既相....

大陸同事....

今日上到大陸先知幫我做首辦個師傅個老婆發生左d 事.....攪到要入醫院.....但係佢又要等我地上去同佢傾返d 首辦....所以我一知道就即刻同佢傾...傾完之後我就諗住搵我0個老細同佢講返我地傾完問佢個師傅走得未....但係....我又唔認得路.....行左幾轉....結果都係要同師傅講我唔識路....佢話同我一齊行過去....咁去到我就同老細講話我地傾完....老細就叫佢去醫院睇佢老婆....我覺得我應該一早就同佢去搵我老細.....咁就唔駛0徒時間....因為佢老婆好需要佢....所以搞到我有d 唔開心....係呢到希望佢老婆早日康復啦.....

點解...

我公司有個新既Graphic designer 問我用咩software 做3d....跟住我答佢係用Rhino....佢就話呢個3d圖就可以比人做辦....我話唔係....要出圖紙.....跟住佢就話想做Product designer....咁我叫佢去讀....佢話唔識我用緊d software如果唔係都會去做....我心諗唔係呀....識個software 就可以做designer.....咁我讀咁耐做咩呀.....買本書返黎學咪得囉.....真係比佢激死.....跟住我同佢講product designer 除左要諗個外形仲要諗做唔做到....唔係畫左出黎就算....最搞笑既就係佢覺得product 賺既錢多d所以想做.....唉....點解而家仲有d deisgner以為識幾個software 就做到designer....雖然我自己都唔係好creative 但我design d 野出黎起碼都有人買丫....唉...話晒佢都係一個graphic designer 丫....估唔到佢會咁諗....可能佢讀d 比大一或正形更差既學校關係.....佢話佢之前讀0個間....讀一年就叫做graphic designer....仲要係part time 咁讀....平時又無功課做.....只係得一個project....唉....如果個個都好似佢咁諗.....遲早香港無design 呢個行業....

廸欣湖...

隔離既欣奧.....今日本來諗住去廸欣湖既....點知去到...Disneyland 個入口行左一陣就諗住去廸欣湖...咁行行下覺得唔係好對路....咁再睇地圖啦...點知原來行錯左.....咁唯有再行過....但係0個時巳經好熱...又無帶水.....行行下再睇返地圖原來仲要行好遠同埋我又比蚊針.....結果都係無再行....咁走返去搭地鐡....係欣奧轉車....點知出面好似幾得意咁咪出去行下.....原來出面0個度係我想去既地方...但係又唔知點去....今次去唔成廸欣湖反而去到我想去既地方....哈哈....首先介紹下0個個係咩地方先....0個度就係有好多大"look"木插係水到既地方.....地鐵東涌線會見到....咁我地就沿住海邊咁行....行行下見到對面有條村.....本來諗住行埋入去....但係驚天黑同無帶水....結果沿路行返去搭車....

驗眼...

五月0個時book 左間野去睇眼科醫生....去到等左好耐先叫我個名....跟住又入錯房....因為我聽到6 號咁另外同我一齊叫名0個個都聽到6號咁咪一齊去0個間房點知我地聽錯....跟住就走返去岩0個間房....因為間房到仲有好多人等....我咪同佢傾計.....係0個間房做個basic 檢查之後就滴左d 放大曈孔既眼藥水...個護士話會睇唔到字...我話咁睇唔睇到圖....佢話得我先叫佢滴...因為我仲要返公司做野...滴完之後就要出返去等....係等既其間眼開始檬....d 字睇唔到.....我心諗死啦返到公司都唔知做唔做到野.....等左好耐之後我諗有一個鐘....先可以睇醫生....佢話我隻眼無事.....我問佢點解咁多紅根佢又唔答我....只係比左d 敏感藥我滴眼.....我諗我入左去都唔夠五分鐘就睇完.....睇完之後趕返公司...因為有野要趕所以一定要返去做埋佢.....返到去....睇到個mon 係咁閃....可能個曈孔未細反...睇得幾辛苦...但係都要做....結果7點幾走....走0個時隻眼正常返d....anyway...無話我隻眼有乜特別事咁都安心d....

羅馬的曙光

呢個展覽係係藝術館到擺....我最想睇既就係石棺....好想睇下以前d 人既棺係點.....一去到睇左其它野先....例如..陪葬品....金皇冠....金飾.....0個時d 士兵頭盔....護甲等....0個d 士兵用品真係好似以前history 書0個d 咁....但係個頭盔好大......護甲(for 腳)又好細.....d 比例好古怪....仲有d 皇冠....好似一塊野咁....都唔知點帶....到最後睇石棺....d 石棺到好靚....有d 似達文西密碼0個套戲講0個個咁....但係d 姿勢就唔同....原來0個時d 石棺巳經有用模既方法做.....係0個度有一個骨灰罎個外形好modern 好靚.....睇完呢個之後就去睇以前中國既金飾....同頭先0個d 差好遠....中國0個d 精細好多.....睇埋呢個之後又去左睇唔知邊間私人學校既插畫畢業展....睇完之後覺得麻麻地....其中有d 係好靚...好有感覺...但係有d 太硬......仲有0個時個過歌星既唐x琪都係0個度學畫....佢既其中一幅都幾好.....其它就.....有待改進....

濕地公園....

哈哈...未得閒寫住....留返個位先.....

好喇...而家寫....0個一早一行四人就搭西鐵去到天水圍站再轉乘706 輕鐵去到濕地公園....一去到巳經好多人....入到去仲多人....先行左d 室內展館....第一個係有d 生活係涷既環境既標本....第二個就係沼澤區...有個沼澤既環境....有魚仔同其它動物仲有d 夜行動物......第三個就係講d 環保呀...0個d 野....仲有可以登記做記者.....佢會有張咭比你....根住佢有五個任務比你做....做到之後就有分...仲可以e-mail 返d 分去你個e-mail address.....玩晒室內展館就行出去濕地公園.....一出去望到好多草...跟住就跟佢d 路行....途中睇到大鉗x....蜻蜓....蓮花.....同埋有一道條橋係浮橋....仲有d 鳥屋....入到去好涼好舒適....但係就睇唔到鳥....因為太嘈同呢個季節係無乜鳥....由於我地都行到好累所以就走....但係走0個時都4點幾.....跟住搭返車返屋企....沖完涼就訓飯都無食....一訓就訓左十幾個鐘.....訓醒後都唔覺肚餓.....所以到去食飯既時候巳經同係濕地公園食唯一0個餐雙隔廿幾個鐘......到食飽左又諗下去邊.....結果去左睇石官....關於石官就下回分解.....

不停的定格

星期三去左睇stop motion 既動畫...個title 係叫做"不停的定格"主要係用定格拍攝方法做成既動畫....係"不停的定格"裡面播出十五套動畫短片所有既制作係由1990-2006所拍既....當中有d 係功課....有d 係IFVA 到得過獎....其中以我的幻想曲...樹...爛訓先生....Fat Cat on a Diet....我最鐘意.....我的幻想曲係用屋企隨手所得既野做.....就好似圖中既木衣夾所拍成既....而樹係講人同樹之間既感情....佢用泥膠做....而又做到0個種感覺...至於....爛訓先生....Fat Cat on a Diet...都係用泥膠做....其中Fat Cat on a Diet 係許誠毅做的....整體黎講我覺得都幾好睇.....

讀完IVE

之後成日都去街搞到個人好累....今日叫做得閒d開返一個新blog....由讀完IVE 開始.....