今日得了免費飛去睇龍虎門...因我從來無睇過龍虎門既漫畫所以無乜共鳴感....不過片頭就有d 熟口熟面既感覺...但係到戲既故事開始就無呢種感覺.....至於套戲我就覺得有d 鏡拍得幾靚....同埋幾有感覺....仲有打既部份打得好靚....好干淨利落又sharp....特技都做得幾好....而且有d 可以笑既位(有d 係真笑位...有d 係覺得咁都得既笑既位)......但係個故事就麻麻....同埋女主角唔靚....仲有一路睇一路覺得好似去返以前d 戲院睇戲咁....因為0個度係一個舊式戲院....所以好大....同埋有d 人一路睇戲一路食野.....又有d 人行黎行去....仲有人大聲講野.....仲有仲有最似既就係........有人食煙.....由於0個間戲院位於砵蘭街所以無人敢出聲收佢地唔好食煙.....所以我地都係靜靜地睇完套戲就走.....
整體黎講呢套戲都ok好睇....不過0個故事就好似同佢本身既漫畫故事唔同.....如果大家無野做都可以去睇睇....
4 comments:
龍虎門... 一見到d主角真係唔想睇囉!! 最憎謝霆鋒、余文樂... 仲見帶住個假髮... 想死
我都好耐無去呢d舊式戲院, 因為有人食煙, 空氣不好,仲有好多d死0靚仔扮晒野咁大聲講野! ....
想番起舊式戲院,門口一定會有磅重的機,細時嚷住要去磅下, 當張咭跌出來就會好興奮... 可惜現在無keep住張咭.. 可惜可惜!
現在呢d戲院... 快沒有了。一就是播咸片!!幾十蚊任睇!!.... 都是去番高質素的好!!
我見Ｄtrailer 武打位好似好得喎....
舊戲院嘅派場...新戲院點都做唔到......
意..依!我好鍾情懷舊野,咁不如try下呢間舊式戲院,咁smoke外,有冇人咬竹"借"
果然係龍虎門年代的feeling!i like it.
姬絲...
哈哈..我都無諗住睇不過唔駛錢即管去睇睇...呢D 舊式戲院真係所餘無幾....0個D 磅重機仲有D 地方有...不過唔記得係邊...
jack...
佢d 對打都幾好睇...所以岩鐘意睇武打戲既人去..
係呀...舊戲院既feel真係同新0個d唔同..
be蛋爸...
咁你要去睇下....不過無人咬竹"借"...
哈哈...係0個度睇龍虎門真係好岩feel..
Post a Comment