輔導課程....

早幾個月我去讀左一個輔導課程.....都學到0野...可能阿sir 有心機教....好好玩.....不過學到既野要用返出0黎要時間....因為唔係咁易....我覺得自己睇野唔夠深入....睇唔到人地講0個句說話背後既含意...

不足

早幾天...得到別人的邀請....去了教堂聽聖誕歌....當聽完聖誕歌之後有一個小小既大食會...由於那裡有部份是外國人及那個教堂是以英文為主.....導致0個度做野既人都係講英文....突然間有人用英文問我野....結果我答左一d 好中文既英文.....唉.....搞到我覺得自己d 英文....好唔掂呀.....我要keep 住學英文.....

有無人知道....

邊度仲有呢種棉花糖賣? 以前好鍾意食....而家想食返...但係買唔返0黎食...

今日買左隻CD....

我好耐都無買過cd 喇....因為而家好少聽歌.....買左返黎先知係Jazz...原來自己不知不覺鐘意左聽Jazz.....哈哈.....呢隻cd 既所有歌已經轉成mp3 落部電話到.....聽日搭船有得聽喇.....哈哈哈哈哈!!

砌模型....

而家個個星期都同姨甥仔砌高達模型.....但係都分唔到邊個係衝擊....命運....突擊高達.....好彩只係砌同埋劃小小線....如果要上埋色就死咯......記得以前砌的第一個模型係車仔....跟住砌電單車....跟住就無砌.....估唔到而家砌返係機械人......唉....有時我覺得我似係姨甥仔個阿媽....多個佢個阿媽....

戲....

Shrek 3.....無想像中咁好睇....但係有教育意義.....

每當變幻時.....好睇....尤其女仔去睇會有feel....

生日快樂!!

係大陸廠返香港過關0個時個關員叫我個名.....跟住就同我講生日快樂....係0個一刻呆咗一呆.....跟住即刻講...謝謝....我估唔到係個大陸關員同我講生日快樂....香港0個d 都無理....大陸真係變得好快....

打學生....

而家係咪犯法架.....我要投訴.....有人打學生....係個班長講既....而唔係個受害人講既....我要投訴呀........

而家D 老師...唉.....

我姨甥仔係學校比同學用檫膠"訂"....跟住佢就發脾氣....咁學校就叫我阿媽去接佢...我阿媽就去學校了解下發生咩事....我姨甥仔唔肯講....話就算講左老師都唔信....咁返到屋企....佢先講咩事...咁我地就星期一返學校同老師講(因為發生0個日係星期五)....去到學校老師就叫0個個同學出黎....老師就問佢有無"訂"我姨甥仔....佢無出聲....呆企....跟住個老師就講佢好乖佢唔會咁做...咁個同學就即刻話無做....講真....自己做細路0個時....自己真係無做就大大聲同 人講無做....佢唔出聲就即係有啦...個老師竟然包庇佢...仲要對住我姨甥仔講我係唔信你架喇....你講乜都無用.....嘩! 有無搞錯呀....做老師係咁架咩? 佢唔係應該查返件事...而係睇下邊個做...咩老師黎架....佢咁教學生....第日個學生做錯事都唔駛認啦...我姨甥仔想好返都難啦....個個都蝦佢...佢出聲d 老師又唔信佢....唉....我都唔知可以點做.....

鬥智鬥力...

而家我阿媽湊返我姨甥仔....但係每日都要同佢鬥智鬥力....我姨甥仔愈來愈曳....成日發脾氣....係學校打老師都有既.....以前佢阿媽湊佢0個時仲好d....但係就無人理....d 校服灰色既.....功課又唔做....唯一好d 就係脾氣....唉....真係唔知點教佢.....我驚我阿媽遲早傻....唉.....阿媽成日同我講.....我聽到都煩....阿爸成日要睇醫生....已經好煩....仲要搞多件咁既.....真係.....唉......

唔開心呀....

上個星期既今日...我同我既另一半去左Disneyland 玩....佢送左隻介指比我....但係上個星期六我唔小心唔見左...以為漏左係公司....點知今朝一早返到公司搵極都搵唔到.....嗚嗚嗚....梗係上個星期六左右手都拎住d 重野所以知點樣整甩左.....嗚嗚嗚.....無喇無喇.....

去澳門

復活節頭0個幾日我同媽咪去左澳門...因為媽咪好耐無返過去...所以襯佢退休就陪同佢過去行下....原本諗住同佢去食下野...去下新景點...點知變左去拜山同探親...仲去埋阿媽以前細個住同讀書既地方...有日同去去以前有個親戚開0個間酒樓既舊址懷念下.....點知媽咪唔係好記得係邊到....咁我地就企係條街到講好似係呢到.....點知有個阿伯話呢間酒樓妳都知....後尾講講下原來佢以前係0個間酒樓到打工......仲講返佢地以前好多野.....仲有我地行去d 舊街到見到有間買香既鋪頭....媽咪話婆婆以前成日係0個度買香....跟住我話咁不如去買返d 香返去拜婆婆....等佢索下0個間香鋪既香....哈哈...咁遠去到無理由唔買返黎孝敬下婆婆架....

呢幾日除左去以上既地方....都有去新賭場玩下...不過果輸左幾舊水...仲有去漁人碼頭...但係行左一陣就走...因為唔岩玩...諗住去旅遊塔...可惜太大霧....上左去都睇唔到所以無去...最尾0個日去珠海既海鮮街食海鮮....好正又低食.....

呢幾日對我黎講有小小悶....同埋好早起身(六點半就起身同媽咪出去行街同飲茶)....不過我知媽咪好開心...所以悶小小都唔緊要啦.....

相機及產品設計展....

相機展....有好多未見過既相機睇....好似海鷗牌及香港制做既相機.....同埋有好多相....我覺得呢個展覽都幾好睇...

產品設計展....都好睇.....仲有一part 係講"椅"....佢柔合中國既"椅"幾有特色同埋都幾好睇......但係呢個作品令我諗起舊年既功課....

大夫弟

星期日見有d 陽光就出去行下.....咁就去左大夫弟....0個度以前係一個進仕住既地方....一入到去見到個大堂唔係好大.....d 房又唔係好大....不過佢都有d 特色野係0個度個導賞講既....由於大夫弟既位置係於新界區.....所以佢係間屋既橫樑及裝飾上加入一d 比較西化既野....等人地覺得佢地唔係鄉下人.....仲有係佢地個年代巳經做花生油....大夫弟裡面就有一個整花生油既大木柱....真係唔講唔知.....係0個度我最鐘意就係個書房....我覺得好舒服同好靚....0個日除左去大夫弟之外仲去左0個度附近既舊建築物到睇....之後仲去左元朗舊x 見到以前既"當"鋪....不過我地一路行d 人一路望住我地....好驚呀....

深水"土步"

有日行街係人地d 鋪頭聽到收音機講話0個度有個展覽.....係可以去睇板間屋....所以我就走左去睇....睇完之後覺得佢地既生活係好辛苦....一間屋咁多人住...得一個厠所.....一個廚房....個廚房仲要係用火水爐...唉....相比之下我既生活已經好幸福....

Hong Kong Disneyland photos

由於文字表達唔到我地玩得幾開心....所以post d 相出黎比您地睇下....咁就知我地玩得幾開心啦....哈哈...

p.s. 第一日入去熱到死...搞到我地一人買左一件短袖T-shirt....

去Disneyland lu

兩個姨甥

三代同堂

頂天立地

三婆孫

我的長假....

由14/2 晚我既長假就開始.....
14號晩去食團年飯.....
15號係屋企執下野.....夜晚又去食團年飯....
16號抺屋企.....夜晚去行年宵.....
17號又係屋企執下野.....夜晚又又去食團年飯
18號整天拜年....
19號又整天拜年....
20號又整天拜年....
21號係屋企休息下......
22號去幫爸爸攞身份証....
23號係屋企休息下......
24號半天拜年.....夜晚幫朋友整野.....
25號去Disneyland... (哈哈....呢個下一個post 詳細再講)
26號係Disneyland...
27號係屋企休息下....
28號係屋企休息下....
我既假就咁就完左喇.....如果我唔轉工既話又要等一年先可以再放.......

係呢間公司...

做左年幾....今日先覺得自己有d 進步.....因為我老細又叫我諗下有無新既結構做落個新design 到....好彩都比我諗到....呢幾日仲自己做埋mockup....因為大陸0個邊收左爐....個mockup 做左出黎都workout 得到...結構呢d 野一向係我既死穴...我通常都係用返現有既.....不過我知我老細鐘意試新野.....所以我都盡力去諗.....同埋平時多d 留意人地既結構.....好彩都學到d 野.....雖然個結構唔係好特別....但係係我黎講我覺得自己進步左.....不過我諗比個首辦師傅做返個正式mockup 又要有排講...因為佢唔係咁鐘意d 野變.....成日話用返舊...又話出唔到模....好彩我老細會叫佢諗點做或者一齊諗點做....如果唔係都唔知點算......

唉...

個死人blogger 轉左做google 之後搞左成晚先可以係人地個blog 留言.....激死呀......

有鱷魚食...

但係我地無食....食咗驚會肚痛....不過係食市到見到呢d 野真係唔開胃...好彩我係食完飯先行過去....因為我今日無走出去點餸.....

青蛙對戰