傾計...

係呢間公司做左一段時間...又到阿head 及senior同事同我傾計既時候....佢地不約而同咁話我唔多出聲....一個就話妳性格係咁....一個就話妳要改變.....唉....其實我有小小懶唔想諗話題同佢地講....同埋又唔知佢地性格係點....癈事一陣講錯野啦.....不過我諗都係要講返多d 野.....呢個星期同左好多唔同部門食lunch....因為個senior 要同另一team 既人對換....即係佢要去另一個office....唉....佢過左去都唔知點算....其實佢好好人....會教我點做.....個人又風趣.....唉....佢走左無人幫....因為我地0個team 有4個人...咁又唔想成日問阿head....senior 要同人對換....換返黎0個個又唔熟我地d 野(因為佢而家design d 野同我地唔同...)....另一個同事....有d 野佢都似唔係好知咁.....唉....岩岩熟左d 又要走.....佢發去邊疆一年先返黎....唉....到時都唔知佢返唔返黎...或者我都唔知仲係唔係到.....而家咁既市....我又未做夠三個月....真係好難講....

工作...

呢排開始做返d product design 既野....但係咁畫sketch....嗚....我畫左好耐都唔到佢地要求....不過到最後佢地都ok 左....跟住係ai 上色....而家用ai 畫front side top view....for 出圖及做首辨....唉...而家無得用3d....對我黎講....好辛苦呀.....要用手畫sketch....好似以前讀ive 咁.....

除左畫sketch....仲要跟其它野.....好多野做.....好彩唔係得我一個係咁....佢地個個都係咁....

無力感....

而家係新公司做野覺得自己做得好慢....成日係到諗應該點做.....又唔想成日問人...搞到做得好慢....其實係咪要問多d人....咁就做得快d 呢??

呢幾日有d 感冒.....係咁流鼻水....唉....返工都唔夠一個月....都唔知請唔請病假好?

係呢到做野...久唔久又要追下人野....久唔久又要搵d 大佬簽名.....久唔久又要開會.....久唔久又要做文件野....到而家仲未做到product design 既野.....做以上既野....某情度都幾煩.....

新公司....

做左大半個月....都係做.....盒多......仲有出下d quotation....開下會.....叫下人去影相做package....叫人做artwork(因為我地大約做左artwork....做個dummy 先叫人做個可以output)....又要執下showroom.....其實都幾多野做....不過下個星期終於可以做 product design.....哈哈....

今日第一日返工....

有d 做阿四既感覺....以前係自己話事...而家係聽人指示.....真係有d 唔慣....仲要係做graphic 多(執下稿....做下packing dummy....執下辦房)....不過見工0個時都講我要做埋graphic....同埋佢地講呢段時間係做呢d 野多.....希望遲d 真係多返d product 做啦....

一個月既假期...

咁就放完....但係呢個月都好忙.....

8月第一個星期....船p...搵工....
8月第二個星期....有親戚係外國返黎去我屋企玩....搵工....見工.....
8月第三個星期....sec. in...陪我姨甥仔去disneyland....
8月第四個星期....爸爸入醫院要幫手同埋要湊人地個仔....爸爸被迫出院.....湊人地個仔同女去沙灘同泳池玩.....湊人地個bb....唉....累死.....我係二日裡面湊左三個唔同階段既細佬仔.....一個喊到死(bb)....一個煩到死(11歲)....一個嘈到死(2歲)....

希望過埋呢個月一切正常返啦.....希望爸爸快d 無事啦.....希望佢真係唔好食煙...如果唔係又呼吸唔到就......仲有我見到媽咪咁辛苦都唔知點幫佢...佢又無覺好訓....因為佢驚爸爸半夜呼吸唔到就.....唉...我見到媽咪真係好累.....我唯有可以做到就係湊左我姨甥仔出去....等媽咪煩少個.....但係一開學同我要返工就幫唔到喇...

8月3日 船p...

0個日玩得都幾開心....雖然無乜0野做過....但係我係個海到攬住個水泡浮覺得好舒服.....唯一係驚浮得太遠.....不過唔知點解一落水就腳指抽筋.....就算上水都要休息一陣先無事....所以佢地玩數字球我都無玩......哈哈...

7月31日 終於都...

離開左差不多做了三年的公司.....係走0個時完全無唔開心.....又要努力搵工lu....

好累...

唔明點解係我公司graphic designer 只係做graphic design.....product designer 要做product design(rendering....工程圖....mockup....)...package design(rendering...mockup....)....fair display design(pops)....唉....人工仲要少過佢....好想唔做呀....

返大陸....

而家一個星期返一次大陸....成日都聽到好多消息....不過唔知堅定流....只係知道點解老細成日話賺唔到錢....唉....因為我老細唔係創業0個個....所以唔識得計數.....仲有....佢地有自己既生意...就算無左間公司佢地都唔驚.....唉...希望我可以快d搵到份工.....如果唔係將來都唔知點算.....仲要搬到咁遠....嗚.....

點解d 人....

結婚...生仔....離婚....又再結婚...又再生仔.....又再離婚....唉....為乜....最慘都係d細既.....作為旁觀者....只可以幫得幾多得幾多.....

搬....

我公司8或9 月就要搬去柴灣...唉....咁遠....我點返工呀?? 仲有我做左咁耐佢都無加人工比我....咁我點算好....返工時間又長左....車錢又多左.....我真係唔想做....日日仲要比人監視咁.....好煩....但係呢排又無乜工請人.....想辭職又唔敢....驚搵唔到0野做又無錢....唉.....佢唔搬都話做住先....但係...而家咁真係唔知點算.....

中學同學...

前幾天....有一個岩岩聯絡返既中學同學打比我....話另外有一個中學同學結婚想請埋我....但係我地好耐無見.....佢覺得唔係幾好意思叫佢問下我去唔去....我話我會去....因為呢個中學同學係0個段時間都幾friend...同埋我地三個各人都經歷唔同既唔開心....所以佢搵到佢既幸福我當然要去祝福下佢啦....

日記....

尋晚搵返以前d 日記黎睇....覺得有d好無聊....又d 令我諗返起以前既野.....同埋睇返幾時幾日屋企又發生d 咩事.....幾時識左d 咩人....又同d 咩人去左邊度玩.....睇返呢d 日記.....覺得時間真係好快過....如果唔係有呢d 日記我都唔知原來以前係咁諗....所以得閒又寫返d 日記或者影下相....如果唔係遲d 又唔記得而家d 日子點過....

白泥 = 白0黎

尋日起身見有陽光就想去郊外行下兼且試下部新相機....但係0個時已經十二點幾唔可以去得太遠....咁係屋企就搵到本野介紹去元朗白泥....我就同Ken 一齊去行下....我地先搭西鐵去xx再搭33號小巴.....跟住....係總站落車(其實係唔知係邊度落).....落左車睇返本野原來我地已經過左....咁唯有行返轉頭.....行呀....行....行呀....行....行呀....行....行呀....行....終於都去到.....點知.....水漲....乜都無得睇....同無得影....結果都影左一張相.....就係兩隻狗.....唉....跟住搭返車出元朗....去左食B仔涼粉....就返屋企lu....

做人....

真係好煩.....

今日....

約左個中學同學出黎食飯......計下計下我地已經無見五年.....但係大家都無變....所以大家傾得好開心.....我地都講左呢幾年發生既事.....唉....真係家家有本難念的經....不過我個朋友仲係用緊我地以前既方法去減壓.....其實飲完之後咪又係會醒.....飲咁多做乜呢......

今日去左聯和墟...

行下....點知見到有間舊式戲院....就入去睇下戲.....我地睇左末世兇殺.....睇完之後覺得....好想嘔......不過係呢間戲院好奇怪...因為佢突然熄燈....突然開始播戲.....突然做完.....突然開燈.....不過唔知係咪0個度無乜人睇戲所以40蚊就有得睇....用40蚊睇呢套戲都ok la....