愈來愈無信心...

人工要求降低左....點解都無人請....係咪做音樂盒又唔算玩具....咁真正玩具得一年都無....咁我可以搵咩工......

而家個人好灰....又無乜工見....儲返黎既錢又愈來愈少....知我無做野既屋企人又擔心.....我可以點....

發夢...

呢排無做野...發左兩三次有人請左....仲返左工.....點知一覺醒來....唉...

有日見工...

諗起以前細個玩玩具時0既0野....因為佢要我答點解想入0個間公司....我就話我細個0個時為0個間公司出0既公仔....而用發泡膠整間屋比佢....哈哈....唔知佢會唔會請我呢....

練習...

今日自己一個去左泳池練習....係水到呼氣都仲係未得.....激死....都係自己唔夠膽....我要努力呀....

p.s. 晒到隻手同膊頭紅晒.....

而家見工....

真係好多野做....
又要填form...
又要答MC全英文的 (題目有睡姿...發咩夢...同人傾計時隻手點放....閱讀理解....數學...推理)....
又要畫圖(當住見工0個個人面前畫仲係要係有"橋"既...一係就張個product 分模即畫返點分模...)....

唉....而家見工最長試過見成三個鐘....真係累死....
幾時先搵到野做呀....唔駛再過呢d 飄泊既日子.....

補充仲要普通話及英語對答....要O.T.不過8點放工都唔算叫做O.T.....咁即係要做到幾點?....

要畫好bb 既公仔....

點畫呀? 我就黎要交喇.....仲有我阿head 要我自己係屋企練 sketch.... 比佢睇呀.....點算呀....仲未畫得好呀....

飯局過後....

又要諗d 0野0黎做下....如果唔係又會悶死.....

幾過一輪既飯局....

發覺自已巳經少左好多朋友....可能以前無乜點搵人...而家唔知點搵返佢地....

p.s. 我個大肚同事生左喇...個bb有8磅11....我地尋日佢左醫院探佢....好大隻...好男仔樣(需雖然佢係一個男仔)....好得意呀...

久違了的powerpoint...

自從讀完ive 就無用powerpoint 黎presentation....而家係公司要做powerpoint 黎presentation....真係...覺得好似仲讀緊書咁....

飯局...

呢排悶悶地係咁搵人食飯.....所以比以前多左好多飯局....而且又有d同事比公司裁...又有中學同學結婚(可能我要做姐妹)既飯局....同唔同既人有唔同既飯局話題其實都幾開心....雖然同被裁既同事食飯係有d 唔開心....但係有機會同其它部門既人傾下計玩下....都幾好丫....而且又可以同阿頭傾下工作上既野(搭車0個時傾)....至於做姐妹0個餐飯就仲未食...所以都唔知會點....但係我諗我都係時候要學下化妝....我一向都覺得化妝係一件好煩既事....但係個人精神d...靚d....同埋人地會覺得你尊重個場合先化妝....so...都係要執執佢....而且見身邊0個個轉左個look 又有d 新鮮感....哈哈.....等我都轉下先.....

好悶....

好多野想做但係又提唔起勁去做.....公司唔算多野做....不過要開始諗新野.....到而家仲未諗到點做.....有d 唔知點算.....想搵d 朋友出去玩下....但係又懶搵....blog 又好耐無寫....facebook 又無乜點玩....msn 又無乜點玩.....總知都唔知自己想點......好悶呀......