係灣仔返工...

真係無啖好食呀....而家食lunch 都唔知食乜好....0個度最多就係茶餐廳....但係d 野唔好食...以前係尖東就好多好野食....

想學插畫...

不知如何入手....

監獄兔...

好搞笑....最正係佢既音效....哈哈哈...

淺嘗...

某個晚上...去0左鄰居既屋企...食西餐....有紅酒...有頭盤...有湯...有主菜....仲有甜品....當然係一邊食一邊傾計....傾下傾下...佢就拎左枝Whisky出黎比我地試下....跟住再拎一枝出黎比較下....我覺得第一枝係好飲d....原來係台灣出....真係估唔到...之後再試一枝擺係冰箱既高梁酒....好辣....再再試Vodka.....好味....再再再試西式茶.....好特別(菊花+唔知係乜)....以上既酒全部都係淺嘗...所以無醉....但係塊面紅晒....好耐無試過係咁....感覺幾得意....哈哈...

至於傾計內容...係要諗諗....因為近期既我有d 迷失....究竟我應唔應該轉行....轉行又做得d 乜....
我有咩優點? 有咩缺點? 想做個咩人? 繼續做落去有咩出路? 人愈大愈多煩惱.....

Death Proof

頭先一路食飯一路睇...初初都覺得有d 悶(因為有d 寫實)...覺得似睇緊天水圍的日與夜....睇到中間0個段就覺得有d 恐怖(甩手甩腳)....最尾0個段就覺得幾正(有大快人心既感覺)....整體黎講顏色同埋d 車都好靚.....

p.s. 好想用搖控車拍最尾0個段....哈哈...

返新工....

我轉左工喇....但係呢份工比我想像中悶.....不過佢俾到我想要既人工...返五日工....

明明辭左職...

但係要做埋個project 先走....做下做下都成個幾月....唉....究竟我幾時先走得呢.....個project 未完...又叫我做其它野.....真係無乜心機做....不過搵工又無進展....點算好??

辭職...

終於都頂唔住要辭職....做左咁耐野都未試過俾人咁話...不過呢間公司0的人係咁轉....design 個位個個都係做幾個月....其它d post 都係咁上下....我要努力要搵過份工....